Ennetacher Fasnetslied

Ennetacher Feifermarsch

 

 

Ennetacher Feiferlied

 

 

D` Fasnet ischt a` luschtge Zeit

 

 

Obere Donau Lied

 

Ennetacher Feifermarsch         

 

Refrain:    Ohne Wurscht, ohne Wei, da got an echta Feifer ei!
ohne Wurscht, ohne Wei, da got an echta Feifer ei!

 

Wenn bei eis a Schlachtfest ischt, noch hau mer auf dr Butz!

Dia Nochber ruckat a ond wellat au was von dr Hutz!

Ond wenn dia Sau au schpeckig ischt no ischt au ebbas dra,

noch sait d`r Metzger glei zu eis, daß ma se metzgra ka!

 

Refrain: Ohne Wurscht, ohne Wei .......

 

Als nächstes kommt noch d`Weiflasch raus, dr Metzger der hot Durscht;

Wenn i it glei mei Gläsle kriag, noch kriagat ihr koi Wurscht!

Dia Wurscht, dia Kocht em Kessel and des muaß jo au so sei,

mir freiat eis und schtoßat a ond ällas schtemmt mit ei!

 

Refrain: Ohne Wurscht, ohne Wei .......

 

Ond wenn dia Wurscht noch fetig ischt, noch weat se glei probiert,

ond d`Nochberschaft, dia guckat schnell, daß sia  am meischta kriagt.

Mir gand sogar no d`Abfäll mit, ganz ohne Eiganutz,

wenn ihr noch dra send, s`nägschte Mol, noch freßat mir dia Hutz!

 

Refrain: Ohne Wurscht, ohne Wei .......

Fenster schließen